Сэтинньи 15 күнүгэр 60 миэстэлээх оскуола акылаатын арчылаатылар.

Кырыкый нэһилиэгэр 60 миэстэлээх оскуола дьиэтин акылаата түһэн, үөрэнээччилэргэ уонна олохтоохторго улахан үөрүүлээх сонунунан буолла.Үөрэнээччилэр, учууталлар, тэрилтэ үлэһиттэрэ, нэһилиэк олохтоохторо бу үөрүүлээх күн муһуннулар. Саҥа түспүт акылааты Үлэ бэтэрээнэ, «Старший Учитель», Саха сирин үтүөлээх оьуохайдьыт этээччитэ Надежда Егоровна Николаева тойук туойан арчылаан, кыра сүһүөх кылааһын үөрэнээччилэрэ ыллаан бары мустубут дьону үөрдэн  астынан, сүргэлэрэ көтөҕүллэн тарҕастылар. Үөрүүлээх түгэҥҥэ баһылык С.Я.Сергеев, оскуола дириэктэрэ В.В.Федоров, кырдьаҕастартан Н.С.Устинов тыл эттилэр, туох баар бары үчүгэйи баҕардылар. Күн бүгүн Кырыкый орто оскуолатыгар 43 оҕо үөрэнэр. А.Ф.Ильинов салайааччылаах ООО Уран тэрилтэ биригээдэтэ саҥа оскуола тимир каркаһын Саҥа дьылга диэри таҥан бүтүөхтээх. Элбэх кэпсэтии, сүүрүү түмүгүнэн, бу тутуу «Үтүө Дьыала» программатыгар киирэн турар, үлэ этэҥҥэ бардаҕына, 2015-2016 үөрэх дьылыгар оҕолор саҥа оскуола боруогун атыллыахтара.

Оскуола библиотекаря: И.А.Егорова.