Пятница, 29.03.2024, 09:00
Приветствую Вас Гость | RSS

МБОУ "Кырыкыйская ООШ имени С.Е.Дадаскинова"

Меню сайта
Статистика

Главная » 2016 » Декабрь » 21 » Оскуола юбилейа
09:51
Оскуола юбилейа

Ахсынньы 9 күнүгэр С.Е.Дадаскинов аатынан Кырыкый сүрүн оскуолата 85 сыллаах юбилейын уонна саҥа оскуола арыллыытын үөрүүлээхтик бэлиэтээтэ. Кырыкый сүрүн оскуолата 2013 сылтан РФ, СР культуратын үтүөлээх улэһитэ, ССРС телевидениеҕа уонна радиога туйгуна, Абый, Аллайыаха, Анаабыр, Орто-Халыма, Үөһээ Бүлүү улуустарын, Кырыкый нэһилиэгин бочуоттаах гражданина, суруйааччы С.Е.Дадаскинов аатын сугэр. Оскуолаҕа быйылгы үөрэх дьылыгар 43 ого үөрэнэр. 60 миэстэлээх саҥа оскуола «Сахам сирэ 21 уйэҕэ» үтүө дьыала хамсааһын программатынан тутулунна.

 Оскуола арыллыытын сахалыы сиэрин-туомун  ыаллыы сытар Маҥаас нэһилиэгиттэн ыҥырыллан кэлбит алгысчыт Е.Е.Васильев толордо. Оскуолаҕа киирэр аалай кыһыл лентаны Үөһээ Бүлүү улууһун муниципальнай оройуон баһылыгын солбуйааччыта С.С.Кылбанов, Үөһээ Бүлүү улууһун сэбиэтин депутаттарын председателэ С.А.Михалев. «Сахам сирэ 21 уйэҕэ» үтүө дьыала хамсааһын отделын начальнига И.С.Емельянов, Үөрэзирии управлениетын начальник солбуйааччыта Т.Н.Федотов , ЗАО «Уран» тутуу тэрилтэтин представителэ П.В.Седалищев, Кырыкый нэһилиэгин баһылыга С.Я.Сергеев, Кырыкый оскуолатын директора В.В.Федоров кырыйан киирдилэр.

Саҥа оскуола иһэ сырдык, сылаас, благоустроеннай буолан, үөрэнэргэ-үлэлииргэ олус табыгастаах. Бу  оскуола тутуллан улэҕэ киириитэ нэһилиэк олохтоохторугар улахан бэлэх буолар.

Биьиги оскуолабытыттан кынат анньынан үөрэххэ сырдыкка тардыһан туруу улэһит буолбут чулуу дьоннорбутунан биһиги киэн туттабыт, Бу үөрүүлээх күҥҥэ биһиэхэ  СР наукатын үтүөлээх деятелэ, учуонайдартан бастакынан Саха Республикатын үрдүкү наҕараадатынан наҕараадаламмыт «Хотугу сулус» орден хаһаайына, Хотугулуу-илиҥҥи федеральнай университет математикаҕа профессора, математиканы чинчийэр научнай институт директора, учуонай Егоров Иван Егорович ыалдьыт буолан кэлэн эҕэрдэлээтэ. Хотугулуу-илиҥҥи федеральнай университет иһинэн үлэлиир музей улэһитэ Н.В.Эверстова эҕэрдэ тылын уонна баҕа санаатын эттэ. «Дүллүкү нэһилиэгэ» муниципальнай тэриллии баһылыга И.И.Ан, уорэҕирии улэһиттэрин профсоюзтарын комитетын председателэ Л.Г.Лазарев, Далыр орто оскуолатын директора М.Р.Семенов, Мэйик сүрүн оскуолатын директора В.В.Попова, Хомустаах оскуолатын директора С.А.Прокопьев, Дүллүкү орто оскуолатын директора С.Н.Кардашевский,  Д.С.Спиридонов аатынан 4 нүөмэрдээх оскуолатын директора Ю.В.Кынатов эҕэрдэлэрин этэн үөрүүбутүн үллэһиннилэр.

«Сахам сирэ 21 уйэҕэ» үтүө дьыала нэһилиэкпит баһылыгар Сергеев С.Я. норуот үтүө дьыалатын  хамсааһынын туһугар суҥкэн кылаатын иһин Саха Республикатын памятнай знагын туттарда. Кырыкый нэһилиэгин чэчирии сайдарын туһугар үгүс сылларга үөрэҕи-билиини тэниппит ытык-мааны учууталларбытын Алексеева М.П., Николаева А.П., Егорова М.К, Григорьева П.Н., Егорова И.А. уонна оскуола техулэһиттэрин Константинова Х.П., Степанов В.И., Степанова М.П., Иванов Дь.Ф. улуус үөрэҕириитин салалтата почетнай грамотанан наҕараадалаата. «Саха Республикатын үөрэҕириитин туйгуна» бэлиэтинэн нуучча тылын учуутала Степанова Т.П., «Саха сирин инники кэскилэ» бэлиэтинэн начальнай кылаас учуутала Федорова А.А., Саха Республикатын үөрэҕириитин почетнай грамотатынан начальнай кылаас учуутала Николаева В.П., Үөһээ Бүлүү улууһун баһылыгын грамотатынан саха тылын учуутала Васильева М.В. уонна Егоров Я.Н. наҕараадаланнылар.

Бу кун Кырыкый нэһилиэгин олохтоохторугар үөрүүлээх, долгутуулаах кунунэн буолла. Араас сылларга үөрэммит выпускниктар, үлэлээн ааспыт учууталлар, улэһиттэр ыалдьыт курдук санаммакка оҕо саастарын  кэрэ кэмнэригэр төннубут курдук оҕолуу чэпчэкитик сананан, сылаас тыллары этэн-тыынан тарҕастылар.

Оҕолорбут барахсаттар төрөөбүт алгыс-талба алаһалара, билии аат уотунан сырдыы турдун!

Оскуола педагог-библиотекаря: Егорова И.А.

Просмотров: 1668 | Добавил: Федотович | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
ГИА 2021

Телефон доверия

8-(4112)-42-10-28

+7 (495) 104-68-38

«Горячая линия»

ЕГЭ:

8-(4112)-42-10-46

ОГЭ:

8-(4112)-42-10-48

+7 (495) 984-89-19

8-(41133)-4-24-63

Поиск
Календарь
«  Декабрь 2016  »
ПнВтСрЧтПтСбВс
   1234
567891011
12131415161718
19202122232425
262728293031

Copyright Kyrykyi School © 2024
Сделать бесплатный сайт с uCoz