Кырыкый оскуолатын үөрэнээччилэрэ улууска буолар  мероприятиеларга ситиһиилээхтак кытталларын таһынан, оскуола иһинэн  араас бырааһынньыктары үрдүк таһымнаахтык ыытан, кэрэҕэ-сырдыкка угуйуллаллар. Ол курдук саҥа дьыллааҕы бырааһынньыктары олус сэргэхтик атаардылар. Оскуола иһинэн ыытыллар оҕо сынньалаҥын тэрийэр учууталлар саҥа дьылга литература сылын тумуктуур Пушкинскай баалы тэрийэн үөрэнээччилэргэ бэлэхтээтилэр. Пушкинскай баалга учууталлыын, оҕолуун бары 19 уйэтинээҕи таҥаһы симэнэн кылаастарынан баальнай үҥкүүлэри туруоран көрдөрдүлэр. Маны таһынан улуу поэт Пушкин хоһооннорун ааҕан курэхтэстилэр. Каникул кэмигэр спортзалга эт-хаан өттүнэн эрчиллэн сынньалаҥнарын атаардылар. Эргэ саҥа дьылга аналлаах «Голубой огонек» тэрийэн ыытылынна. Манна бары кылаас уорэнээччилэрэ ырыа-уҥкуу, хоһоон, сценка көрдөрөн бырааһынньык бэркэ табыллан ааста. Араас элбэх оонньууну ыыппыттарын таһынан чээл күөх харыйа тула дуоһуйа уҥкуулээн тарҕастылар. Үөрэх чиэппэрин аайы улууска, оскуола иһигэр ыытыллыбыт мероприятиелар, куонкурстар тумуктэринэн, начальнай уонна орто сүһүөх кылаастарын икки ардыларыгар ыытыллар «Лучший класс» куонкурс курэҕэ тумуктэнэр. Манна чиэппэр түмүгүнэн кыайыылаах тахсыбыт кылаас көһө сылдьар кубогынан уонна грамотанан наҕараадаланар. Үүммут саҥа сыл үөрэх эйгэтигэр үлэлиир бары үлэһиттэргэ, учууталларга уонна үөрэнээччилэргэ үрдүктэн үрдүк ситиһиилэри аҕаллын!

оскуола библиотекаря: Егорова И.А.

Тохсунньу 19 күнэ