Пятница, 29.03.2024, 17:19
Приветствую Вас Гость | RSS

МБОУ "Кырыкыйская ООШ имени С.Е.Дадаскинова"

Меню сайта
Статистика

Главная » 2018 » Декабрь » 14 » Талааннаах суруйааччы,суруналыыс С.Е.Дадаскинов 85 сааһыгар «Алааһым кэрэтин хайгыыбын»
10:17
Талааннаах суруйааччы,суруналыыс С.Е.Дадаскинов 85 сааһыгар «Алааһым кэрэтин хайгыыбын»

Талааннаах суруйааччы,суруналыыс С.Е.Дадаскинов 85 сааһыгар

«Алааһым кэрэтин хайгыыбын»

 

       Талааннаах суруйааччы, поэт, прозаик, суруналыыс, режиссер, РФ уонна СР культураларын үтүөлээх үлэһитэ, Орто Халыма, Абый, Аллайыаха, Анаабыр, Үөһээ Бүлүү улуустарын, төрөөбүт нэһилиэгэ Кырыкый бочуоттаах гражданина Степан Егорович Дадаскинов 85 сааһыгар аналлаах улуустааҕы уус –уран хоһоон ааҕыытын уонна ырыа күрэхтэрэ  С.Е.Дадаскинов аатынан Кырыкый сүрүн оскуолатыгар сэтинньи 30 күнүгэр  бэркэ ыытылыннылар.

      Сарсыарда 10 чаастан кыттааччылар регистрациялара саҕаланан,суруйтарыы буолла. Оҥхой сүрүн оскуолатын  уон биир үөрэнээччитин  учуутал Сидорова Зинаида Анатольевна салайан илдьэ кэллэ. Сорох нэһилиэктэртэн күрэхтэргэ кыттыан баҕалаах оҕолор суоллара табыллымына кыайан кэлбэтилэр. Оҥхойтон айаннаан кэлбит күндү ыалдьыттарбытын аан бастаан буфекка чэйдэттибит. Онтон тэринэн, тапталлаах поэппыт С.Е.Дадаскинов хоһооннорун уус –уран ааҕыы иннигэр  күрэхтэри үөрүүлээхтик арыйыы буолла.

        Суруйааччы Степан Егорович Дадаскинов олоҕун, айар үлэтин туһунан слайд –презентацияны саха тылын, литературатын учуутала Васильева Мария Васильевна кэпсээтэ. Онтон  С.Е.Дадаскинов тылларыгар “Бараммат махталым” ырыаны Кырыкый оскуолатын хора толордо. Нэһилиэк библиотекара Васильева Лилия Ивановна биир дойдулаах чулуу суруйааччыбыт 85 сааһыгар анаан араас тэрээһиннэри ыытан,Кырыкыйы таһынан бүтүн Саха сирэ сырдыктык санаан –ахтан бэлиэтии сылдьалларын туһунан кэпсээтэ. Ол кэнниттэн Кырыкый оскуолатын оһуокайдьыт оҕолоро: Федорова Арина, Николаева Ангелина, Львов Антон, Константинова Күндээрэ, Яковлева Сааскылаана (салайааччы Васильева М.В.) С.Е.Дадаскиновка анабыл оһуокайы оһуокайдаатылар,онно бары кыттааччылар оһуокайдаһан үөрүүбүт- көтүүбүт үрдээтэ.Ону таһынан С.Е.Дадаскинов 85 сааһыгар аналлаах поэт айымньыларынан кэтэхтэн уруһуй күрэҕэ ыытыллыбыта.

      Үөрэнээччилэр талааннаах поэт суруйбут хоһооннорун уус –ураннык ааҕаннар эбиэккэ дылы күрэхтэстилэр. Оҕолор кыһаллан, интонациялаан, иэйэн ааҕыыларын түмүгэ биирдиилээн уонна коллективнай ааҕыыга үс бөлөҕүнэн ыытылынна. Бастакы бөлөх: 1-4-с,иккис бөлөх: 5-8-с, үһүс бөлөх: 9-11-с кылаастарынан түмүк таҕыста.

      Биирдиилээн ааҕыыга:  бастакы бөлөххө Кучаева Лиза “Оҕуруонан оһуордуубут”( Кырыкый, 4-с кылаас, салайааччы Федорова А.А.) -1миэстэни, Прокопьев Савва  “Биэһи ыллахпына” (Кырыкый, 2-с кылаас, салайааччы Алексеева М.П.) -2-с миэстэни ыллылар.

     Иккис бөлөххө Яковлева Сааскылаана “Алаастарым барахсаттар” ( Кырыкый, 8-с кылаас, салайааччы Васильева М.В.) –1 миэстэни, Степанова Катя “Аҕабар”(Кырыкый, 7-с кыл, салайааччы Васильева М.В.) -2-с миэстэни, Шологонова Наташа “Кырыкыйым кырдьаҕастара” (Кырыкый, 7-с кылаас, салайааччы Васильева М.В.) -3-с миэстэни ситистилэр.

     Үһүс  бөлөххө Константинова Капа “Төрөөбүт тылбар андаҕар”(Оҥхой, 9-с кылаас, салайааччы Илларионова М.Г.) хоһоону ааҕан -1, Егорова Регина “Эн ааккын сипсийбит эбиттэр”(Кырыкый, 9-с кыл.сал. Мартынова Т.В.) -2, Егорова Ангелина “Ньургуһун”( Оҥхой, 9-с кыл. сал.Илларионова М.Г.) -3-с миэстэлэри ыллылар.

       Коллективнай ааҕыыга: бастакы миэстэни –иккис кылаас «Сэрии буолбатын» (Кырыкый, сал.Алексеева М.П),иккис миэстэни – 1-кы кылаас “Охсуһуук Көстөкүүн” (Кырыкый, сал. Николаева В.П.) ситистилэр.

     Иккис бөлөххө  бастакы миэстэни бэһис кылаас “Сахам сирэ ”( Кырыкый, сал.Ильина М.В.), 2-с миэстэни  Оҥхой 7-8-с кылааьын үөрэнээччилэрэ “Оҕо сааһы ахтыы”( салайааччы Илларионова М.Г.), 3-с миэстэни Кырыкый 6-с кылааһын үөрэнээччилэрэ “Төлкөбүт түөрэҕэ олордун” (салайааччы Васильева М.В.) ситистилэр.Үһүс бөлөххө бастакы миэстэни “Оҕо сааһы ахтыы” хоһоонунан Кырыкый 9-с кылааһын үөрэнээччилэрэ ыллылар( салайааччы Мартынова Т.В.).

        Эбиэккэ оскуола буфетыгар үлэһиттэр, учууталлар минньигэс, сылаас аһынан аһаттылар. Сынньанан баран эбиэт кэнниттэн аны күндү биир дойдулаах суруйааччыбыт, поэппыт Степан Егорович Дадаскинов хоһооннорунан айыллыбыт ырыалары толорууга күрэхтэһии буолла.Түмүк эмиэ үс бөлөҕүнэн биирдиилээн уонна коллективнай толорууга таҕыста. Күрэх түмүгүнэн миэстэлэспит оҕолор бары олус үчүгэйдик ыллаан, көрөөччүлэри үөртүлэр. Түмүк маннык буолла:

   Биирдиилээн толорууга бастакы бөлөххө: Львова Амелия “Ол оҕо үчүгэй” (Кырыкый, 1 кыл, сал. Николаева В.П.) -1 миэстэни, Игнатьева Зарина “Мин ийэм ырыата”(Оҥхой,2 кыл, сал. Сидорова Зинаида Анатольевна) -2-с миэстэни, Кучаева Лиза “Бараммат махталым”( Кырыкый, 4-с кыл,сал. Федорова А.А.) – 3-с миэстэни ситистилэр.

   Иккис бөлөххө: бастакы миэстэни ситистэ – Илларионов Борис «Этиэхпитин бүгүн этиэх» (Оҥхой, 8-с кыл, салайааччы Сидорова Зинаида Анатольевна), Иккис миэстэни Николаева Луиза “Учууталга”(Оҥхой, 8-с кылаас, салайааччы Сидорова З.А.), үһүс миэстэни Федорова Арина “Ийэкээ, эйиэхэ ыллыыбын”( Кырыкый, 5-с кылаас,салайааччы Федорова А.А.) ситистилэр.

   Үһүс бөлөххө Константинова Капитолина “Мин хотугу ийэкээм” (Оҥхой, 9-с кылаас, салайааччы Сидорова З.А.) – 1 миэстэни ситистэ.

   Ансамбылынан ырыа күрэҕэр бастакы бөлөххө: 1 миэстэ -2-с кылаас “Кыраттан да үөрүҥ” (Кырыкый, салайааччы Алексеева М.П.).   2 миэстэ – 3-с кылаас “Сибэкки үҥкүүтүн үтүктэн” (Кырыкый, салайааччы Степанова И.Н.)

   Иккис бөлөххө:  1 миэстэ – “Айтал” ансамбль «Чэйиҥ, чэйдэ иһиэҕиҥ» (Оҥхой, салайааччы Сидорова З.А.)

                               2-с миэстэ – “Мичээр” ансамбль “Ийэкээ, эйиэхэ ыллыыбын”(Оҥхой, салайааччы Сидорова З.А.)

        Ити кэнниттэн түмүгү таһааран кыайыылаахтары эҕэрдэлээһин, бары кыттааччыларга күндү суруйааччыбыт Степан Егорович Дадаскинов 85 сааһыгар аналлаах сырдык ахтан –санаан ааһар күрэх – тэрээһиммитигэр көхтөөхтүк кыттыбыттарын иһин махтал тылбытын эттибит.

       Салгыы С.Е.Дадаскинов литературнай музейыгар уонна өссө биир дойдулаах суруйааччыбыт В.А.Алексеев литературнай музейыгар сылдьан көрүү-истии буолла.Ону таһынан энтузиаст учуутал Егоров Я.Н. прикладной искусство музейыгар үөрэппит оҕолорун араас кэрэ оҥоһуктарын сэргии-хайгыы көрдулэр.

      Ити курдук талааннаах, киэн туттар суруйааччыбыт С.Е.Дадаскинов сырдык –үтүө аата өрүү ааттана,кини хоһоонноро,кэпсээннэрэ, айымньылара ааҕылла, ырыалара ыллана турдуннар  диэн бары кыттааччылар да, көрөөччүлэр да астынан, үөрэн тарҕастыбыт. С.Е.Дадаскинов аатынан Кырыкый сүрүн оскуолатын үөрэнээччилэрэ,үлэһиттэрэ, учууталлара күндү суруйааччыбыт аатын куруук өрө тута сылдьыахпыт.

 

                                                         Суруйда Кырыкый сүрүн оскуолатын саха тылын уонна

                                                                                    литературатын учуутала Васильева М.В.

 

Просмотров: 436 | Добавил: Федотович | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
ГИА 2021

Телефон доверия

8-(4112)-42-10-28

+7 (495) 104-68-38

«Горячая линия»

ЕГЭ:

8-(4112)-42-10-46

ОГЭ:

8-(4112)-42-10-48

+7 (495) 984-89-19

8-(41133)-4-24-63

Поиск
Календарь
«  Декабрь 2018  »
ПнВтСрЧтПтСбВс
     12
3456789
10111213141516
17181920212223
24252627282930
31

Copyright Kyrykyi School © 2024
Сделать бесплатный сайт с uCoz